الارتجالة الثالثة عشر نوفمبر 2010: النص الأول

بعيون الشارد..

بروح المكسور المارد..

ونبض العكاز الباقي..

على طول الليل

وف قارب فكرة..

هسافر رحلة ف حضن النيل..

وأتأمل كل جمال الكون..

وأتأمل كل وجوه بتحس..

وأتأمل كل رموش تتحس

......

غجرية رموشك يا الأسمر..

لكن لِحنانهم ضيّ وحس

بَتْدَفّا ف قربك..

يا الشمس

الملكة

الأم

لو حتى هدوب..

بتمنى بضمة أعيش العمر

.............

ف البعد نجومي بتبقى الويل..

والبدر بيبكي لأنه عليل..

والصبر النافد من حبات القلب..

دليل...

يصاحبني لآخر نقطة ف بحر

يأنسني بصوتك ف المشوار وطريق الصعب..

بكتب ف البعد:

"مبقاش ف القلب مكان...

ولا بقيت خطوة من الأحزان...

ولا عاد الليل بيطيق الصبر...."

بكتب بالحبر من الشريان:

"محتاج...

والعهد أمان..

محتاج...

لآتون....."

هبه رفعت