الارتجالة الثامنة عشر أكتوبر 2011

مشهد رقم (17)	صالون منزل علا + منطقة شعبية + سطح منزل سمير (فوتو مونتاج)				ليل / نهار / داخلي / خارجي
- كلوز على التليفزيون يعرض فيلم أجنبي - "علا" تقاوم النوم. تلتقط الريموت - التليفزيون تظهر عليه قائمة كبيرة من القنوات تقلب فيها "علا" - "علا" تزفر ضيقا.. تغلق التليفزيون - "علا" تجلس أمام جهاز الكمبيوتر - على الشاشة يبدأ برنامج المحادثة.. تظهر قائمة الأسماء كلها   offline			ص.علا:	إيه كلكو نمتو بدري ولا إيه؟
				(ص. جرسding)
- يظهر اسم "شريف" على الشاشة وأمامه.. "إيه حاسة بالملل؟" - لقطة جانبية لعلا تكتب على الكي بورد(صوت ضمير"علا"وبلاي باك ص. "شريف" وصورة كتابة)			ص.شريف: ص.علا:	إيه حاسة بالملل؟ لا أبدا.. بالعكس حاسة بنشاط غير عادي.. حاسة إن فيه حاجات كتير عايزة أعملها مكنتش بفكر فيها زمان.
- يظهر على الشاشة smillyيضحك			ص.شريف:	(ضحك) أد إيه الإنسان ده عجيب.. خصوصا لما يصدق الوهم اللي هو عمله بنفسه.
			ص.علا:	وأنت مش حاسس بالملل؟ يعني شايفاك شاغل نفسك بيا أكتر من اللازم.. يعني كل ما أدخل على الشات   ألقاك.. وقبل كده موضوع القط
- على الشاشة تعرض smilly لصورة وجه متعجب أمامه"قط؟"			ص.شريف:	مكنتش أعرف إن الأشباح بتكدب كمان؟ يعني إذا مكنتش بكدب عليكي وأنا عايش هكدب دلوقت ليه؟
			ص.علا:	طيب هصدق ديه، قوللي بقه مش حاسس بالملل، يعني إيه اللي شاغلك دلوقت؟
			ص.شريف:	نفس اللي كنتي بتقوليه ف الأول بس الفرق إنه بجد في حالتي.
			ص.علا:	إزاي؟
- لقطة بعيدة جدا من أعلى لسوق شعبي الناس يتحركون(عصرا)             - مزج - - كاميرا محمولة تتجول في حارات ضيقة(ليل)             - قطع - - لقطة عامة للسطح (يظهر فيها جزء مكسور من السور).. أولاد "جابر" يحملون كيزان الذرة.. زوجة "جابر" و"زينب" تعدان الكنب للجلوس.. "جابر" يعدل وضع التليفزيون(ليل)                         - قطع - - لقطة واسعة للبحر(نهار)             - مزج - - بكاميرا محمولة في شوارع حي شعبي.. تتوقف أمام بيت قديم (نهار)             - مزج - - لقطة بعيدة لرجل عجوز يجلس على كرسي يشير لعمال بناء(نهار)             - مزج - - لقطة لعريس وعروسة يصعدان السلم(ليل)             - مزج -			ص.شريف:	(موسيقى ناعمة) كل الحاجات اللي مكنتش بفكر فيها زمان.. كنت عاوز ألف القاهرة شبر شبر.. أشوف كل الأماكن اللي ملحقتش أشوفها.. كل الأماكن القديمة والشوارع والحواري..  الناس الغلابة اللي كنت بعالجهم في المستشفى، كنت عايز أشوف البيوت اللي ساكنين فيها.. حياتهم عاملة إزاي؟ بيعاملو بعض إزاي؟ بعدها عالطول لقيت تفكيري بياخدني بعيد لاسكندرية.. كنت عايز أشوف البيت اللي أتولدت فيه.. مش دلوقت، لأ ساعة ما أتبنى كنت عايز أشوفه بيتبني طوبة طوبة وجدي بيشرف على العمال..  أشوف فرح أبويا وأمي.
- على وجه "علا" المندهش			ص.علا:	يااااااااه ده أنت رحت لبعيد قوي
- مزج - - لقطة للعريس والعروس في الفراش ينظران لبعضهما بحب			ص.شريف:	لأ وأكتر من كده كمان كنت عايز أشوف اللحظة اللي أتكونت فيها.. كانت لحظة حب صافية؟ ولا كانت مجرد محاولة منهم لكسر الملل؟
- مزج - - كلوز على وجه "علا" المذهول - تلت داون(بطيء) على يدها تتحسس بطنها - زووم إن على بطنها - صورة جرافيك للرحم بداخله قطعة لحم حمراء تكبر وتتشكل				(ص. نبضات قلب)
- مزج-

* مثير الارتجال مشهد سيناريو من اختيار القاص المغمور/كريم فراج