وإعمالاً لمبدأ الشفافية الذي عودناكم عليه..
نستضيف ضيفين اثنين ليعلقان على الأحداثان...
ضيف 1 مقاطعًا المذيعة: أحداثان؟
المذيعة بحرج: عفوًا الأحداث.. وأحب أوجه
سؤالي الأول للضيف الأول.. إيه رأيك في الاشتباكات الدائرة حاليًا..تحتينا..
ينظر الضيف الأول بدهشة لأسفل المنضدة..
فتُكمل المذيعة منبهةً إياه: قصدي تحت المبنى..
الضيف الأول: آآآه.. تحت المبنى.. طبعًا دي مش
أصول.. ازاي يشتبكوا مع الجيش تحت المبنى.. ما عندهم الميدان بتاعهم واسع..
يقاطعه الضيف الثاني: وبعدين بأي حق الأقباط
يتظاهروا؟
المذيعة: حق التظاهر كلفتهلهم الإعلان
الدستوري.
الضيف الثاني: برضه مش عارف سبب للي بيعملوه
ده.. دول عايشين أفضل عصورهم. دول أغنى ناس.. وبانيين كنايس وأديرة كبيرة.. دول
ولا كأنهم في عصر الشهدا.
الضيف الأول هامسًا للثاني: عصر الشهدا كانوا
بيموتوا فيه.
الضيف الثاني: آه.. أيوه بس ده معروف إنهم
مربين أسود تحت الكنايس
الضيف الأول: أسود؟!! يا ساتر يا رب.. ليه
كده؟
الضيف الثاني: عشان ياكلوا الناس المسيحيين
اللي بتأسلم وبعدين أنا عايز أعرف حاجة (واضعًا يديه في وسطه).. فين أختي
فاميليا؟!
المذيعة مقاطعة: جاءنا الآن هذا الخبر العاجل
بأنه تتوالى الخسائر البشرية لجيشنا الهمام في التناقص.. من ثلاثة قتلى واثنين
مرتبكين ومدرعة مسروقة.. إلى اتنين مصدعين وعصايا مقطومة..
تشير إلى الضيفين: ماتعرفناش عليكم..
الضيف الأول: محمد عبد المسيح.
الضيف الثاني: جرجس عبد الرحمن.
هنا يتدخل المخرج: Cut
.. هايل ياولاد.. إنسخ يا ابني عشان نذيع الكلام ده بكره.. ونختم بشهداء أحداث
بوخارست ماتو في أحداث بوخارست.
كريم فراج عن "أحداث ماسبيرو"
ليست هناك تعليقات:
إرسال تعليق