راجل ف سِنك..
لسه بيصدق
ف بابا نويل وف الغولة
أبو زيد الهلالي
الغرام الأفلاطوني
والرعشة
...
لسه بيصدق
ف بابا نويل وف الغولة
أبو زيد الهلالي
الغرام الأفلاطوني
والرعشة
...
لسه مدمن إكلشيهات المحبة!؟
مش عيب عليك؟!
...
أصل الهوى
كان استعارة سيئة
كلام
أو أقنعة
عشان نعدي الوقت
مش أكتر
...
مش عيب عليك؟!
راجل ف سِنك لسه بيصدق
وتتكلِّم كإنك مُدْرِك المعنى
وواصل للمدى
وإنت بتحارب طواحين الهوا
ووحوش خيالية
بتتكلم عن الإقدام
(صدى صوت القصايد
اللي ماتت)
اللي ماتت)
وإنت هربان زيِّنا
كُلّ اللي فارق بس
هروبك للأمام
....
مش عيب عليك؟!
أحمد الحضري
ليست هناك تعليقات:
إرسال تعليق