الجمعة، 8 مارس، 2013

الارتجالة التاسعة والعشرون: قهوة مظبوطة


افتكرتك النهاردة على فكرة.. كنت قاعد ف الكافتريا كالعادة.. الجو كان كويس، الدنيا هناك كانت هادية نوعًا، بس الويتر اللي أعرفه ما كانش موجود، طلبت طلبي المعتاد، فاتأخر، استعجلته كذا مرة، بس هو كان مشغول بتربيزة تانية جنبينا، كان فيها بنات حلوين فركز معاهم وطنشني، المهم بعد مدة طويلة جاب لي أخيرًا كنكة قهوة وقال لي معلش ع التأخير النهاردة الدنيا زحمة فعلاً..
ما كنتش عايز أطول معاه فعلاً عشان زهقت منه... بس هو كملها بإنه دلق القهوة عليا.. اللي حصل بعد كدا ممكن تستنتجيه بس المهم فنجان القهوة دا فكرني بيكي..
فعلاً اللحظة دي كنتي إنتي جواها جدًا... قبل ما أمشي شتمته ومشيت "ثم إني كنت طالب عصير يا حيوان".

أحمد الحضري

هناك تعليقان (2):