الأربعاء، 17 أبريل 2013

الارتجالة الثلاثون: مدرسة الجِمال


مثير الارتجال: (أنور السادات، مدرسة الجِمال في سانت كاترين، 2020)

مدرسة الجِمال

صبر الجِمال مدرسة
بتشيل وبتخزِن
علشان لبكره تروح
لما الكريم يأذن
بس في طريق الأمل
زعل الجِمال مش سهل
يوم ما الجِمال تنتفض
لا يحوشها جوع ولا جهل
الصبر شِق الأمل
بكره اللي جاي للجِمال
والجرح راح يندمل
يبقى المحال م المحال
صبرك كمان تكة
صبرك على الصحرا
بكره اللي جاي بسَّام
بكره اللي جاي أحلى
جاي بالأمل ف ايديه
جاي والنسيم حواليه
جاي للي صبروا كتير
ع الجوعة والسحلة

أحمد عبيد

ليست هناك تعليقات:

إرسال تعليق