لما الشمس حررت جبيني
وحسيت بإنّي عطشان
لمعت صورتك جوه عيني
راحت معاها كل الآلام
أتعب ومالوا
وفيها إيه
علشان عيونه
متعبش ليه
وتدور سواقي
أرضي الشراقي
وندور ف رحلة السنين
دايرة جراح
دايرة حنين
لحين تحين
لحظة لقانا
يهون شقانا
يهدي الأنين
نضحك ونفرح
نجري ونسرح
زي أما كنا صغيرين
وكأننا كنا هنا
من نص ساعة موجودين
وكأننا دلوقتي لسه مولودين
وكأن أعمارنا اللي فاتت كانت مخاض
يوم الميلاد
لقلب واحد
مش قلبين
خالد زغلول
ليست هناك تعليقات:
إرسال تعليق