الجمعة، 16 مارس، 2012

الارتجالة الثامنة عشر أكتوبر 2011: اليأس والهيبرة


المشهد الأخير
حجر نوم كريم، الريسبشن والمطبخ في منزل فريدة
ليل داخلي



فريدة في المطبخ تقوم بعمل فنجان قهوة سادة كي تقاوم النعاس الشديد






قـــــــــطــــــــع

كريم في غرفة نومه أمام جهاز الكمبيوتر واضعًا سماعة الهيدفون على أذنيه يستمع إلى أغنية شعبية ويبدو عليه الهيبرة









فريدة تعود إلى اللابتوب في ريسبشن البيت وتفتح محادثة على موقع الفيس بوك


صوت فريدة:
كريم إزيك، ألاقي عندك صور أطفال متشردين؟



صوت كريم:
أجدع مسا ع الكباتين، إزيك يا باشا




ص. فريدة:
الحمد لله؛ محتاجه ضروري صور أطفال متشردين بسرعة المشروع هيتسلم بكره




ص.كريم:
إيه التشرد الطفولي ده
ابعتلك فيلم تروي


قـــــــــطـــــــع

فريدة تضرب وجهها من المنتصف بكفها الأيسر في اندهاش يمتزج بالغضب



ص.فريدة:
تروي إيه يا بني؟ بقولك عايزه صور لأطفال متشردين تقول لي فيلم تروي
صبرني يا رب
كريم يرفع قدميه على كرسي المكتب جالسًا القرفصاء فوق الكرسي



ص. كريم:
أيوه يا بنتي إفهمي: الحاج هكتور قتل ابن عم أخيل الصغير وأطفال كتير اتشردت في الحرب دي
ابعتلك أخره؟ هيعجبك قوي




ص.فريدة:
حسبي الله ونعم الوكيل. سلام


مـــــــــزج

على الشاشة تظهر فريدة اوف لاين أمام كريم


ص.كريم:
أجدع مسا ع الكباتين


قــــــطــــــــــــع

فريدة تتثاءب بقوة ويبدو عليها الاحباط، تتجه إلى المطبخ لعمل فنجان أخر من القهوة














تعود فريدة إلى شاشة الفيس بوك
تقوم بفتح محادثة جديدة



ص. فريدة:
إبراهيم، إزيك، بأقولك إيه عايزه صور أطفال متشردين


مــــــــــــزج

إبراهيم عادل نائمًا فوق سريره واضعًا اللابتوب فوق صدره



ص.إبراهيم:
بس كده يا فريدة من عنيا
لحظة واحدة
يظهر لفريدة في مكان المحادثة ملفات attached files
تقوم باختيار اكسبت حتى يكتمل التحميل



ص. فريدة:
إيه ده يا ابني باعتلي صور بني أدمين وأشلاء مليانة دم
مين دول




ص.إبراهيم:
دول الساعدي والمعتصم القذافي




ص.فريدة:
حسبي الله ونعم الوكيل. سلام


ص. إبراهيم مرددًا الجملة الوحيدة التي لا يعرف سواها:
- طب يسقط يسقط حكم العسكر





مصطفى ثابت 

ليست هناك تعليقات:

إرسال تعليق