عقد النجوم اللي رسمته
في كشكول الحساب
على صدر بالارينا بترقص ع السحاب
كان حلمي متشعلق في نجمة منهم
يمكن تكون نزلت في حضن البحر
يمكن تكون هي الجزيرة
اللي بشوفها من بعيد
وفي الحلم دايمًا ببقى نايمة في حضنها
جايز تكون النجمة ديه
هي البساط اللي سافرت عليه كتير
وجايز تكون هي الأمان
علشان كده لونتها
بلون العلم وكتبت فيها اسم أمي
علقتها على صدر بنتي في سلسلة
وحضنتها
علمتها
ترسم بلدنا في حلمها على نجمة عالية
في السما وتضمها..
ليست هناك تعليقات:
إرسال تعليق