الارتجالة الثالثة والثلاثون: النص الثالث

ولسه الظلم بيسيطر
      بنلعب إستريت فايتر

 مع الأشباح
ولسه الحلم زي جناح
يطير بينا
لـ دنيا يجوز مهش لينا
على سرير حلمنا ب نرتاح
وراحة كف بتخطط
خطوط مايلة
سنين شايلة
هموم بتلف ف الدايرة
وتجاعيد همنا بتزيد
فنتكرمش
ويفضل حلمنا مدروش
ف حلقة ذكر
ويهرب نومنا
ونحارب ف وحش الفكر
ويبقى الحل ف الطيران
على الأحلام
نعيش نحلم بشمس نهار
بيطلع .. بس لما ننام

محمود سراج