تقريبًا
القهوة كان ناقصها بُن
والحكاية كان ناقصها راوي
وأنا كان ناقصني وجودك
بس وجودك
عزيزي:
الدنيا أصغر من مفيش
وأضيق كتير من خرم إبرة
دايرة واسعة
بكره تبقى ف حجم دبلة
عزيزي:
نفسي أبقى سندريلا
ضيّ يِضوِّي
دنيا مفيهاش أي خوف
والتعب أسهل ما فيها
حتى الحواجز والظروف
حاجة تِغوِّي
عزيزي:
طمي روُحه كان بوَّار
واللي بينَّا كان مفيش
طب تصدق
كان بيعشق بس خوفي
اسمي كان ضمن الأفيش
زينب زكريا
ليست هناك تعليقات:
إرسال تعليق